என் மகள் நேற்று வீட்டில் இந்த பாட்டை (பள்ளியில் சொல்லிக் கொடுத்ததாம் ) பாடவும் சுவாரசியமாக இருக்கிறதே என்று என் கைப்பேசியில் பதிவு செய்து கொண்டேன்..இப்பொழுது உங்களிடம் பகிற்கிறேன்..

யான் பெற்ற இன்பம் பெறுக இவ்வையகம்!!

அடடா அடடா அண்ணாமலை – என் மகள் கமலியின் குரலில்

அடடா அடடா அண்ணாமலை

அண்ணாந்து பார்த்தா ஒண்ணுமில்லை!

போக போக இட்லிக்கடை

போய் பார்த்தா சட்னிக்கடை!

இட்லிக்கும் சட்னிக்கும் சண்டை வந்துச்சாம்

தக்குமுக்கு தா

தயிர் ஊத்தி தா

தின்ன மாட்டேன் போ

சீனி போட்டுத் தா!!

நம்மில் பலர் பெரும்பாலும் ஒரு குறுகிய வட்டத்துக்குள்ளேயே செயல்படுகிறோம். ஒவ்வொரு நாளும், ஒவ்வோரு மாதமும், ஒவ்வோரு வருடமும் ஒரு குறுகிய வட்டதுக்குள்ளேயே நமது ஒட்டம் நின்று விடுகிறது.

1. ஏன் நாம் மாற்றத்தை விரும்புவதில்லை?
2. ஏன் நமக்குள் இருக்கும் திறமையை பயன்படுத்தி புதிதாக நாம் ஏதுவும் முயற்சிப்பதில்லை?

இந்த இரண்டு கேள்விகளுக்கும் பதில் ஒன்றுதான்… அதுதான்

கண்ணுக்கு தெரியாத வேலி

கூண்டுக்குள் இருக்கும் கிளியை பாருங்கள். நாள் கணக்கில் அது கூண்டுக்குள்ளேயே இருந்து பழகி விடுகிறது. பின்னர் அதை கூண்டுக்கு வெளியே விட்டாலும் சிறிது நேரம் உலாவி விட்டு திரும்ப கூண்டுக்கே திரும்பி விடும்.

ஆட்டு மந்தையை பாருங்கள். மந்தையை சுற்றி வேலி போடப்பட்டிருக்கும். ஆடுகளை அந்த வேலிக்குள்ளேயே மேய்த்து பழக்குவார்கள். ஆடுகளும் அந்த வேலிக்குள்ளேயே மேய்ந்து பழகிவிடும்.  பின் அங்கு வேலி இல்லையென்றாலும் அது குறிப்பட்ட தூரத்தை தாண்டிச் செல்லாது.

நாமும் அப்படித்தான். நாம் வளர வளர தவறான எண்ணங்களும், அவநம்பிக்கையும் கூடவே வளர்கிறது. நாமும் அதை நம்ப ஆரம்பித்து விடுகிறோம். நமது வட்டத்தை சுருக்கிக் கொள்கிறோம். வழக்கத்தை மாற்றி, மீறி புதுமையாக எதையாவது செய்தால் உலகம் பழிக்குமோ என்று அஞ்சுகிறோம். கண்ணுக்கு தெரியாத வேலியை நமக்கு நாமே போட்டுக் கொள்கிறோம். அதை உண்மையான வேலி என்று நம்பி விடுகிறோம்.

நமது வேலையிலும் வாழ்க்கையிலும் ஒரு சவால் விடும் சூழ்நிலை வரும்போது இந்த வேலியின் பயத்தினால் அதை எதிர்க்கொள்ளாமல் எதற்கு வம்பு என்று ஒதுங்கி விடுகிறோம். கானல் நீரை உண்மை என்று நம்புவதைப் போல இந்த கற்பனை வேலியை உண்மை என்று நம்பி நம்மை நாமே சுருக்கிக் கொள்கிறோம்.

வேலியை எதிர்கொள்ள தயாராகுங்கள். அதற்கு சவால் விடுங்கள். இனிமேல் சவாலான சமயங்களை எதிர்கொள்ளும் போது, அதை பார்த்து ஒதுங்காமல் உங்கள் மனததையும் எண்ணத்தையும் ஒருங்கிணைத்து அதை எதிர்க்கொள்ளுங்கள்.

ஒன்றை நினைவில் வைத்து கொள்ளுங்கள்

எதை பார்த்து நீங்கள் ஓதுங்குகிறீர்களோ அது உங்களை விடாமல் எதிர்கொள்ளும்

அதையே நீங்கள் எதிர்கொள்ளும் போது உங்கள் கையில் வெற்றி நிச்சயம்!!

மூலம் : The Greatness Guide 2 – Robin Sharma

]]> http://ksaw.me/2010/07/13/invisible-fence/feed/ 2 http://ksaw.me/2010/06/28/where-is-my-beauty/ http://ksaw.me/2010/06/28/where-is-my-beauty/#comments Mon, 28 Jun 2010 15:37:53 +0000 சுவாசிகா http://ksaw.me/?p=614

அன்று ஞாயிற்று கிழமை. என் 5 வயது மகளை குளிக்க வைக்கும் பொறுப்பு என்னிடம் ஒப்படைக்க(திணிக்க) பட்டது

அவளை குளிக்க வைப்பது இமாலய காரியம், பாத்ரூமை சுத்தி 2 கிலோ மீட்டராவது ஓட வேண்டும்..ஒரு இடத்தில் அவளை நிற்க வைப்பது முடியாத காரியம்..விடுவேனா நான்

அவளை ஒரு இடத்தில் நிற்க வைக்க, அவள் கவனத்தை திசை திருப்ப கேட்டேன்..

ஏம் பாப்பா டெய்லி குளிக்கறதாலதான் அழகா இருக்கியோ ?!

ஒடுவதை நிறுத்து விட்டு ஆமாம் என்றாள்..முதல் வெற்றி

இந்த வெற்றி ஒரு நிமிடத்திற்கு மட்டுமே தாக்கு பிடிக்கும்…அடுத்த மூவை அவள் எடுப்பதற்கு முன் நான் முன்னெச்சரிக்கையாக..

அப்புறம் ஏன் பாப்பா நான் அழகாக இல்லை..நானும்தான் டெய்லி குளிக்கிறேன் என்று கேட்டத்துக்கு

‘உன் அழகுதான் எங்கிட்ட வந்துருச்சே’

என்று பல்ப் கொடுத்து விட்டு..நான் ஸ்டென்னாக..அவள் எடுத்தாள் ஓட்டம்..

அவளை ஏமாற்ற நினைத்த எனக்கு 10 எக்ஸ்ட்ரா ரவுண்ட் வாக்கிங் & ஜாக்கிங்

ஏனோ வடிவேலுவின் “உன்னோட ஸ்டார்டிங் எல்லாம் நல்லாத்தான் இருக்கு, ஃபினிஷிங் சரி இல்லையப்பா” டயலாக் நினைவுக்கு வந்து தொலைத்தது

என்ன நீங்க இது மாதிரி உங்க குழந்தைக்கிட்ட பல்ப் வாங்கின சம்பவம் ஏதாவது இருக்குமே அட சும்மா சொல்லுங்க

வாரன் பஃபெட் ஒரு முறை சொன்னார்

உன்னைவிட சிறந்தவனாக உன்னால் கூட இருக்க முடியாது

சாதனை மனிதனின் மனதில் தோன்றிய உயர்ந்த சிந்தனை..என்னைவிட சிறந்தவனாக என்னால் கூட இருக்க முடியாது..அதைபோல உன்னைவிட சிறந்தவனாக உன்னால் கூட இருக்க முடியாது.

உன்னை போல நடந்துகொள்ள சிலர் முயற்சிக்க கூடும். அவர்கள் என்னதான் முயற்சித்தாலும், உன்னை விட சிறந்தவனாக ஆக முடியாது. ஏனேன்றால், நீ தனித்துவமானவன். கோடிக்கணக்கான மக்களில் உன்னைபோல் ஒருவன் உன்னைத் தவிர யாருமில்லை.

நீ சிறந்தவன்..மிகச் சிறந்தவன்..உனக்கு போட்டியாக யாரும் இல்லை..

ஆக ..இவ்வளவு சிறந்தவனான நீ இன்று சாதித்து காட்ட போவது என்ன..உனக்கே தெரியாத உன் திறமைகளை நீ வெளிக்கொண்டு வருவது எப்போது…அட யோசிக்காதீங்க..இதையெல்லாம் சாதிக்க, வாழ இன்றைவிட சிறந்த நேரம் இல்லை

தத்துவ மேதை ஹெரோடுடஸ் சொல்லியது போல் “என்ன நடக்குமோ என்ற அச்சத்தால் ஒரு செயலை செய்யாமல் இருப்பதை விட தைரியமாக முயற்சித்து அதில் சிறது அளவு சாதித்தாலே பெரிய வெற்றிதான்”

நீ சாதிக்க இன்றைவிட சிறந்த நாள் இல்லை..சாதித்திடு நண்பா!!

மூலம் : The Greatness Guide 2 – Robin Sharma

சாப்பிட..சே...பேச போகும் முன்

முதற்கண் இந்த சந்திப்பை சாத்தியப்படுத்திய நமது டாக்டர் விஜய் சதாசிவம் (@scanman) அவர்களுக்கு என் நன்றிகள்..

இரண்டாம் மற்றும் முடிவுகண், சுவாசிகாவாகிய (@ksawme)  நான் வருவேன் எனத் தெரிந்தும் tweetupக்கு தைரியமாக களமிறங்கிய ஐகாரஸ் பிரகாஷ்க்கும் (@icarusprakash), டைரக்டர் செல்வாவிற்க்கும் (@isr_selva) , அருணுக்கும் (@ommachi) என் நன்றிகள்

இந்த சந்திப்பை மிஸ் பண்ணக்கூடாதுன்னு நைட் மொபைல்ல 5:00 am – 6:20 am வரைக்கும் அலாரம் வைச்சு எந்திரிச்சேன்…பின்ன snooze பண்ணி பண்ணி அலாரமையே டென்ஷனாக்கிறவன் நான்..அந்த கடுப்புல அலாரம் அதன் கடமையை செய்ய தவறிட்டா

7:45 amக்கு நம்ம டாக்டர் குறுஞ்செய்தி அனுப்பினார்..வரலாற்று சிறப்புமிக்க அந்த செய்தி இதோ

On my way, by foot to the Chennai Tweetup

நான் நடந்தால் மறுநாள்தான் வடபழனி போய் சேருவேன் என்ற காரணத்தினால என் Bajaj Pulsar 150CCலேயே சென்றேன்

மணி 8:15 am – வடபழனி நம்ம வீடு வசந்த பவன் வாசலில் டாக்டர் கைப்பேசியில் மணி செக் பண்ணி நிமிர்ந்தால் எதிரில் சினிமா போல் பைக்கில் நான்!! டாக்டர் சற்று டெரர் ஆனாலும் வெளிக்காட்டிக் கொள்ளாமல் ‘பரவாயில்லையே..கரெக்டா டைம்முக்கு வந்துட்டிங்களே’ என்றார்..ஹிஹி என்று சிரித்தேன் (பின்ன..பந்திக்கு முந்துன்னு நம்ம பெரியவங்க சும்மாவா சொன்னாங்க )

மணி சுமார் 8:20 am – வேட்டைக்காரன் மற்றும் ஐயா கலைஞரின் காப்பீட்டு திட்டம் பற்றி பேசி நாங்கள் warm up செய்து கொண்டிருக்கும்போது என் தமிழ் ட்விட்டர் மற்றும் வலையுலக குரு ஐகாரஸ் பிரகாஷ் எண்ட்ரி..முதலில் டாக்டரிடம் கை குலுக்கிய அவர் என்னை பார்த்து குழம்பி மற்றும் stun ஆகி நிற்க..நிலைமையை சகஜமாக்க நாந்தான் சுவாமி என்று அறிமுகப்படுத்திக் கொண்டேன்..அவருக்கு தெரியவில்லையென்றால் நாந்தான் ksawme, நாந்தான் சுவாசிகான்னு மேலும் டெரர் காட்டலாம்னு பிளான்..ஆனால் பிரகாஷ் சுதாரித்ததால் பிழைத்தார்!!

மணி சுமார் 8:25 am – பிரகாஷ் பேசிக்கொண்டே தன் கேமிராவை ரெடி பண்ணிக்கொண்டிருக்கும் போது நம்ம டைரக்டர் ஆர்ப்பாட்டமில்லாமல் சிரித்த முகத்தோடு எண்ட்ரி..அறிமுக படலம் முடிந்தவுடன் வேறு யார் வரணும்னு பிரகாஷ் கேக்க அருண் வரணும்னு சொன்னார் டாக்டர்..பேச்சு தொடர்ந்தது…

மணி சுமார் 8:30 am – பிரகாஷ் கேமராவை பிடுங்கி சே வாங்கி டைரக்டர் போட்டோ எடுக்க ரெடியாக..நாங்க போஸ் கொடுக்க ரெடியாக, சினிமா ஹீரோ போல் கரெக்ட் டைமிங்கல எங்க பின்னாடி வந்து போஸ் கொடுத்தார் அருண்

வாங்க சாப்பிட..சே..பேச போலாம்னு சொன்னவுடன் எடுத்த படம் கரெக்ட் டைமிங்கல வந்து ஜாயின் ஆன அருண்!!

சில போட்டோக்கள் எடுத்த பின் ஏ/சி டைனிங் ஹாலை நோக்கி படையெடுத்தோம்!!

முக்கிய அறிவிப்பு – இங்கு இருந்து மணி குறிப்புகள் வராது..ஏன்னா நாங்க இனிமே நேரம் காலம் தெரியாமல் சாப்பிட..சே..பேச போறோம்

அருணும் செல்வாவும் ஒரு பக்கத்தில் அமர..நானும் டாக்டரும் பிரகாஷை சுவற்றின் ஒரம் தள்ளி இன்னொரு பக்கத்தை ஆக்கிரமித்தோம்…பிரகாஷ் மனதிற்குள் கண்டிப்பாக ‘What to do..I have been cornered’ன்னு புலம்பியிருப்பார்

சுமார் 2 மணி நேரமாவது டேரா போடற எங்க பிளான் தெரியாமல் நாங்க உட்கார்ந்த உடனே ஆர்டர் எடுக்க வந்தார் ஒருவர்..முந்திரிக்கொட்டை மாதிரி இட்லி வடை சாப்பிடுறீங்களான்னு கேட்டார்..டைரக்டர் உடனே தலையாட்ட..பிரகாஷ் இட்லி ஒகே..வடை வேணாம்னு strictஆக முன் மொழிய..நாங்கள் அனைவரும் வழிமொழிந்தோம்

இட்லி வந்தது..டைரக்டர் சாப்பிடும்முன் சியர்ஸ் சொல்லனுமான்னு கேட்டார்..நான் ஒரு இட்லியை ஏற்கனவே காலி செய்த்தை தெரியாமல்

சூடாக இட்லி சாப்பிட்டபின் டாக்டரும் பிரகாஷும் எடுத்து கொடுக்க வெளுத்த கட்ட ஆரம்பித்தார் அருண்..இந்த சந்திப்பின் ஆட்ட நாயகன் அவரே நல்ல சுவாரசியமான பேச்சு…சரியான இடத்தில் டாக்டரும் பிரகாஷும் கேள்வி கேட்டு அரட்டை சூப்பராக take off ஆகியது..

அருணின் சுடான சுவையான பேச்சு..

இந்த நேரத்தில் திரும்ப ஆர்டர் எடுக்கும் ஆள் வர, டைரக்டர் தோசை சாப்பிடலாமா எனக் கேட்க, பிரகாஷ் பொங்கல் என முன்மொழிய, நாங்க எல்லோரும் திரும்ப வழிமொழிய,  5 பொங்கல் ordered..

அருணின் சீற்றம்...டைரக்டர் தலைகுனிவு அட சும்மாங்க

சூடான பொங்கலுடன் தொடர்ந்து அருணின் பேச்சு..சும்மா சொல்லக்கூடாது பொங்கல் சூப்பர்..அருணின் பேச்சும்தான்..பேசிய விஷயங்களை வெளியே சொன்னால் அவரை நிறைய பேர் தட்டிக் கொடுத்து பாராட்டுவார்கள் என்று கூறியதால் அவர் சொன்ன விஷயங்கள் எங்கள் நான்கு பேர் மனதில் மட்டும் ரகசியமாக வைத்துக் கொள்ளப்படுகிறது…

அருண் அடித்து ஆடிக் கொண்டிருக்க அதை ஆர்வமாக கேட்டுக் கொண்டிருக்கும் பிரகாஷ் & விஜய்..

அவர் சொன்னதில சிலது மட்டும் இங்கே

• ஐஐடியில் படிப்பவர்கள் எல்லோரும் ஜீனியஸ் இல்லை..அதில் படிக்காதவர்கள் எல்லோரும் சாமானியர்கள் இல்லை..அட..எங்க அப்பாவிடமும், மனைவியிடமும் இதை கண்டிப்பாக சொல்ல வேண்டும்
• ஐஐடி படித்தவர்கள் சிலர் படித்த பின் சம்பந்தமில்லாத துறையில் தங்களின் careerஐ அமைப்பது மிகப் பெரிய துரோகம் என்றார்..உண்மை

அருணின் (நியாயமான) சீற்றம்..அமைதியாக நான்..அடுத்து என்ன ஆர்டர் பண்னலாம் என்று மெனு கார்டை பார்க்கும் டாக்டர்

பேச்சினோடே சீனியர் பாலா வராதது எங்க எல்லோருக்கும் குறையாக பட்டது..I mean, we all missed him there in the tweetup..

பிரகாஷ் தானும், பாலாவும் இந்த மாதிரி சந்திப்பு, வலையுலகம் எல்லாவற்றிலும் ஆக்டிவாக ஒரு ஆட்டம் ஆடி முடித்து விட்டதால் இப்பொழுது இது போன்ற சந்திப்புகளை குறைத்து விட்டதாக சொன்னார்..மேலும் கடந்த காலத்தில் வலையுலக politics பற்றி பேசி வருத்தப்பட்டார்..இப்பொழுது நிலைமை தேவலாம் என்றும் தனக்கும் இந்த சந்திப்பு ஒரு ரீ எண்ட்ரி என்றார்..

சீனியர் மற்றும் மத்த வலையுலக, ட்விட்டர் நண்பர்கள் இது போன்ற சந்திப்பில்(of course, நேரமும் காலமும் ஒத்து வந்தால்) கலந்துக் கொள்ள வேண்டும் என்பது என் அவா..after all வலைபதிவர்களும், ட்விட்டர்களும் சந்தித்து கொள்ளும் வாய்ப்பு மிகவும் குறைவு…நேரில் சந்தித்து பேசும் அனுபவம் எத்தனை முறை ட்விட்டினாலும், வலைபதிவில் பதிந்தாலும் கிடைக்காது..அதே சமயம் சீனியர் போன்ற மூத்த வலைபதிவர்கள் saturation point அடைந்துவிட்டதையும் புரிந்து கொள்ள முடிகிறது..

திரும்ப ஆர்டர் எடுக்கும் ஆள் வர..டைரக்டர் காபி எனக் கேட்க..நாங்கள் எல்லோரும் சரி எனத் தலையாட்ட, ஆறுதல் பரிசு கிடைத்த சந்தோஷம் டைரக்டருக்கு

காபியும் அருணின் பேச்சும் தொடர்ந்தது..டைரக்டர் வளைச்சு வளைச்சு போட்டோ எடுத்துக் கொண்டிருந்தார்..

காபியை குடித்து முடிக்கும் முன்னரே பில்லை வைத்தார் சர்வர்..பாவம் பய புள்ள..இன்னும் 3 ரவுண்ட் ஹாட்டும் (அட காபிங்க) 1 ரவுண்ட் கோல்டும் (அட ஜுஸ்ங்க) எங்களுக்காக காத்துக் கொண்டிருந்தை தெரியாமல்

பில்லை டாக்டரிடம் கொடுக்குமாறு நாங்கள் அனைவரும் கைக்காட்டி எங்கள் ஒற்றுமையை நிலை நாட்டினோம்

எங்கள் டேரா பிளான் தெரியாமல் பில்லை கொடுத்த சர்வரை பார்த்து அபியும்..சே..டாக்டரும் நானும்

அருணின் பேச்சு தொடர..ஜூஸ் குடிக்கலாமான்னு டைரக்டர் கேட்க, பிரகாஷ் காபி என்று முன் மொழிய, நாங்கள் எல்லோரும் வழி மொழிய..டைரக்டர் டெபாஸிட் (திரும்ப) காலி…

இரண்டாம் காபியும் முடிந்தது..ஆனால் அருணின் பேச்சு தொடர்ந்தது…ஐஐடி, NRIக்களின் புலம்பல்கள் பற்றி நிறைய விஷயங்களை பகிர்ந்து கொண்டார்…பில் வர இந்த முறை பிரகாஷ் pay பண்ண முந்திக் கொண்டார்..

அருண் in his top form..கேமராவை பிரகாஷ் திரும்ப வாங்கிட்டாரே என்ற வருத்தத்தில் டைரக்டர்

டைரக்டரை நாங்கள் இவர் ஓளி ஓவியரோ என சந்தேகம் வரும்படி வளைச்சு வளைச்சு போட்டோ எடுத்துக் கொண்டிருந்தார்

நானும் சர்வரை கூப்பிட்டு ஒரு குரூப் போட்டோ எடுக்க சொன்னேன்..எங்கள் மேல் ஹோட்டல் காரர்கள் கொண்ட கடுப்பின் அளவு இந்த போட்டோவில் தெள்ளத் தெளிவாக தெரிந்தது

ஒட்டல் சர்வர் எடுத்த போட்டோ..எங்க மேல இருந்த கோவத்தில் எங்க எல்லாரையும் இருட்டடிப்பு செய்துவிட்டார்

அருண் சிறப்பாக ஆடி..சே..பேசி முடித்தார்..அவரை பாராட்டும் வகையிலும், இம்புட்டு நேரம் பொறுமை காத்த சர்வருக்காகவும் இன்னொரு ரவுண்ட் காபி குடிக்க எல்லாரோலும் ஏக மனதாக முடிவெடுக்கப்பட்டது..

ஆனா பாருங்க ஆர்டர் பண்ண ஆள் தேடினா கிடைக்கவில்லை..ஒரே ஒருத்தர்(முதலில் ஆர்டர் எடுத்தவர்) தென்பட்டார்..கூப்பிட்டால் கண்டுக்கவேயில்லை…அருண் பாய்ந்து சென்று அவரை கையோடு கூட்டி வந்து ஆர்டர் எடுக்க செய்தார் இதற்கான பில்லை டைரக்டர் கட்டினார் என்று நினைக்கிறேன்…

டைரக்டர் தன் சொந்த அனுபவத்தை சொல்லி சில specialist டாக்டர்களே சரியாக diagnose பண்ணுவதில்லை என்ற குற்றசாட்டை முன்வைக்க, எங்களில் சிலர் அதை ஆமோதிக்க ஆரம்பிக்க, ஆர்பாட்டமில்லாமல் அமைதியாக அடித்து ஆட ஆரம்பித்தார் டாக்டர்…இந்த இடைவேளையில் பிரகாஷ் ஒரு callஐ attend பண்ண வெளியே சென்று திரும்பி வந்து எதிரில் அமர்ந்து கொண்டார்…

டாக்டர் அமைதியாக அதே சமயம் அழுத்தமாக தன் தரப்பு வாதங்களை எடுத்து வெளுக்கிறார்..சே..வைக்கிறார்..அட ரெண்டும் சரிதானே

டாக்டர் பேச ஆரம்பிக்க, பிரகாஷ் கேட்க, அருண் தூங்க சே கவனிக்க

டாக்டர் பேசியதில் கவனிக்க வைத்தவை

• உடல் உபாதை வந்தால் முதலில் பொது மருத்தவரை பார்க்கவும்..அவர்கள் diagnose செய்து specialistஐ சிபாரிசு செய்தால் மட்டுமே specialistஐ பார்க்கவும்.
• நீங்களே உங்கள் உடல் உபாதைக்கு specialistஐ பார்ப்பதுதான் சரி என்று முடிவு செய்து பார்த்துவிட்டு அதன் பின் பர்ஸ் காலி என்று புலம்பக் கூடாது. ஏனென்றால் தலைவலின்னு Heart Specialistக்கிட்ட போனால் அவர் எதாவது இதயத் கோளாறினால்தான் தலைவலி வருகிறதா என்றுதான் முதலில் பார்ப்பார். அதற்க்கு உண்டான டெஸ்டுகள் எழுதி கொடுப்பார்.
• இன்னும் 5-10 வருடங்களில் obesity நமக்கெல்லாம் பெரிய தலைவலியாகும் ஆகும் வாய்ப்பு அதிகம். அதனால் என்னை போன்ற எடைக்கனம் உடைய்வர்கள் அதைக் குறைக்கும் நடவடிக்கைகளில் ஈடுபட வேண்டும்..ஹீம்..சொல்றது சுலபம்..அதுபடி நடக்கிறது ரொம்ப கஷ்டம்
• தமிழ்நாட்டில் இன்னும் நிறைய மருத்துவ நிபுணர்கள் தேவை.தற்பொழுது இவர்களின் எண்ணிக்கை மிகவும் குறைவே.
• 99% மார்க்கெட்தான் டாக்டரின் feesஐ நிர்ணயக்கிறது
• டாக்டர் புரூனோவிடம் டாக்டர் விஜய் இதற்க்கு முன்னால் எதற்காகவோ வாங்கிக் கட்டிக் கொண்டாரான்னு தெரியல..3-4 தடவையாவது புரூனோகிட்ட இதை சொன்னால் சண்டைக்கு வருவார் என்றார்..புரூனோ அந்த விவரத்தை விஜயிடம் பேசி தீர்த்து கட்ட..சே..கொள்ள சிபாரிசிக்கிறேன் அப்பா..கொளுத்தி போட்டாச்சு..

டாக்டர் வாக்குமூலத்தை..சே..பேச்சை ஆர்வமாக கேட்கும் பிரகாஷ் & அருண்

டாக்டரும் இப்பொழுது பேசியதை வெளியிட்டால் அருணுக்காவது தட்டி கொடுத்து பாராட்டுவார்கள்.. என்னை பட்டி பார்த்து தீர்த்துவிடுவார்கள் என்று கூறியதால் அவர் கூறிய பல விஷயங்கள் எங்கள் நான்கு பேர் மனதில் மட்டும் ரகசியமாக வைத்துக் கொள்ளப்படுகிறது…

டாக்டர் பேசி ஒய்ந்த பின் டைரக்டர் ஜூஸ் குடிக்கலாமான்னு (பரிதாபமாக) கேட்டார்..அவரது கோரிக்கையை 4 பேர் கமிட்டி ஆராயாமல் ஒப்புதல் அளித்தது 5 சாத்துக்குடி ஜூஸ் ordered!!

Bill walletகள் எங்கள் டேபிளில் அடுக்கி கொண்டே போனது…அதில் நாங்க வைத்த டிப்ஸை கூட எடுக்க யாரும் வரவில்லை..அந்த அளவிற்கு நாங்கள் தூள் (டெரர்) கிளப்பிக் கொண்டிருந்தோம்

நாங்கள் ஒட்டல்காரர்களை டார்ச்சர் செய்த்தை பற்றி டைரக்டர் விரிவாக எழுதுகிறேன் எனக் கூறியதால் நான் அந்த சாகசத்தை இங்கே கவர் பண்ணல!!

ரெண்டு பேரும் தூங்கலிங்க..ராங் டைம்ல காமிராவை கிளிக்கி விட்டேன்

பிறகு பிரகாஷ் தன் தொழிலை பற்றி பேச ஆரம்பித்தார்…கணிணியியல் படித்து அதற்கு சம்பந்தமே இல்லாத தொழிலில் அவர் ஈடுப்பட்டிருப்பது எனக்கு வியப்பளித்தது..அவரின் தொழில் இதுவரை நான் கேள்விபடாதது..ஆனால் வித்தியாசமானது..சுவாரசியமானது…அதை பற்றி வெளியே சொல்ல முடியாது என்று இவர்(ரும்) சொன்னதால் அவர் கூறிய பல விஷயங்கள் எங்கள் நான்கு பேர் மனதில் மட்டும் ரகசியமாக வைத்துக் கொள்ளப்படுகிறது… (Hat Trick!!! )

நமக்கு நாமே திட்டத்தின் கீழ் நான் எடுத்த போட்டோ..பை தி வே..டாக்டர் பாடறது கேட்குதா.. சே ..தெரியுதா

ஜூஸ்க்கு பில் வந்தது..அதை அடியேந்தான் கட்டினேன்..அட நம்புங்கப்பா

எங்களின் அரட்டை படு சுவாரிசியமாக போய் கொண்டிருந்தது.. 2:30 மணிக்கு டாக்டருக்கு ரெயில் என்பதால் சுமார் 12:20க்கு அரை மனதோடு சந்திப்பை முடித்து வாசலுக்கு வந்தோம்..

நாங்கள் வெளியே சென்றபின் ஒட்டல்காரர்கள் சிலர் பட்டாசு வெடித்து கொண்டாடியதாகவும், ஒரு சிலர் வேண்டுதல் நிறைவேறியதற்காக திருப்பதிக்கு மொட்டை அடிக்க சென்றதாகவும் எனக்கு தகவல் காற்று வாக்கில் வந்தது..பின்ன அந்த அளவிற்கு டெரர் காட்டியிருக்கோம்ல

ஹோட்டல் வாசலில் நாங்கள் பேசிக்கொண்டிருக்கும் போது டாக்டரின் மச்சான் வர..அரை மனதாக அனைவரும் விடைப்பெற்றுக் கொண்டோம்.

கிளம்பும் முன் டைரக்டர் சொன்னது

இந்த அளவிற்கு நிறைவான சந்திப்பை ட்விட்டர்ல பேச முடியுமா என்ன?!

உண்மை…Its good to put faces to the voices..Sorry..in this case tweets…

மறக்க முடியாத சந்திப்பு…Hats off & thanks to Dr.விஜய்…

சந்திப்பின் நடுவர்கள்..பின்னே மத்தவங்க performanceஐ 4 மணி நேரம் பேசாம சாப்பிட்டோம்..சே.. கேட்டோம்ல..என்னது தீர்ப்பா..சூப்பர்

நானும் டைரக்டரும் இந்த சந்திப்பில் பேசியது குறைவு..கேட்டதும் அறிந்ததும் நிறைய..டைரக்டரும் இதை ஒத்துக் கொள்வார் என்று நினைக்கிறேன்…சந்திப்பில் கலந்துக் கொண்ட அருணுக்கும், பிரகாஷிற்கும் நன்றி

இம்புட்டு நேரம் பொறுமையாக படங்களையும், பதிவையும் பார்த்த உங்களுக்கும் நன்றி!!

பின் குறிப்பு

எங்கள் திருமுகங்களை பெரிதாக பார்க்க வேண்டும் என்ற உங்கள் ஆசையும், வீட்டில் frame பண்ண எண்ணும் உங்கள் நல்லெண்ணம் புரிகிறது… :) மனதை திடப்படுத்திக்கொண்டு தயாராகவும்

இந்த சந்திப்பில் எடுத்த full resolution photos with face & geo tagகோடு பார்க்க, தரவிறக்கி கொள்ள இங்கே கிளிக்கவும்..

இடம்: ட்விட்டர் சபை

கதாப்பாத்திரங்கள்

• @nchokkan – மா மன்னர்
• @ksawme – அமைச்சர்
• @anbudan_bala – ராஜகுரு
• @elavasam – அரசவை வெண்பாளர்
• @srikan2 – காமன் மேன்

nchokkan அமைச்சரே அ-சின் என்றால் பாவம் செய்யாத பெண் என்று அர்த்தமா?

ksawme ஆஹா மாமன்னா நாட்டு முன்னேற்றத்திற்கு மிகவும் முக்கியமான கேள்வி இது

nchokkan வரலாறு … ச்சே, மொழி மிகவும் முக்கியம் அமைச்சரே

ராஜகுரு @anbudan_bala சபைக்குள் எண்ட்ரி..

@anbudan_BALA மன்னா ”அழகான சின்னக்குட்டி” மருவி அசின் ஆனது என்று பாலா போன்ற சான்றோர் கூறுவர்:) அப்ப “அ வள்” என்றால் குரைக்காத நாயா? என்ன லாஜிக்கோ

nchokkan @anbudan_BALA ஐ, இதுவும் நல்லாயிருக்கே, அசின் இலக்கணக் குறிப்பு வரைக-ன்னு ஒரு கேள்வி கேட்டா நாமல்லாம் பாஸ், பாஸ்

elavasam u have only scratched the surface. இதோ வரேன்

ksawme அதான பார்த்தேன்..பில்டப்பு கொடுக்காம வரமாட்டாரே இவரு..intro சாங் எதுவும் போடாம இருந்தா சரி

elavasam சின்மை – அப்படின்னா சிறுமை. அப்போ அசின் என்றால் மலையாள தேசத்திற்கேயுரிய வளமை கொண்ட பெண் எனப் பொருள்

elavasam சின்மை என்றால் கொச்சை (vulgar) என்ற பொருளும் உண்டு. ஆக கொச்சைத்தனம் இல்லா பூரண அழகு / sophisticated Beauty = அசின்

elavasam அவ்வளவு ஏன்யா. அந்தப் பெயரை ஆங்கிலத்தில் எழுதிப் பார்க்கலாமா? ASIN

elavasam ASIN – as in beautiful, as in amazing, as in unbelievable, as in breathtaking, as in joyous, as in interesting, as in impressive

elavasam அதுவும் பிடிக்கலையா? பொதுவா சங்கீதம் sa ni என வரும். ஆனால் இவள் அழகைப் பார்த்து அது நிலை குலைந்து as in எனத் தலைகீழாய் நிற்குமய்யா!!

nchokkan @elavasam ஐயா, நீர் மேதை, நீர் மேதை, நாங்களெல்லாம் பேதைகள் – அசின் உங்களுக்குதான், ச்சே, அவார்ட் உங்களுக்குதான்! @anbudan_BALA

ksawme @nchokkan இப்படி அமைச்சரை கலந்தாலோசிக்காமல் பரிசை அறிவிக்கலாமா..கணக்கு உதைக்கும்ல  @elavasam @anbudan_BALA

nchokkan @ksawme அடடே, மறந்துட்டேன் போல, மன்னித்துவிடும் அமைச்சரே

ksawme @nchokkan but மன்னர் @elavasamக்கு பரிசுகொடுத்தது சரியே ராஜகுரு இன்னும் நிறைய அவரிடமிருந்து கற்றுகொள்ளவேண்டும்;) @anbudan_bala

nchokkan @ksawme யோவ், இப்படியெல்லாம் சொல்லி எனக்கும் ராஜகுருவுக்கும் சண்டை மூட்டிவிடப்பார்க்கறீரா? அது எப்பவும் நடக்காது @anbudan_BALA

ksawme @nchokkan எனக்கு நானே >> பெட்டர் லக் நெக்ஸ்ட் டைம் << ஏய் யாருப்பா அங்க அடுத்த டாபிக் எடுத்து விடுப்பா…

காமன் மேன் @srikan2 லேட்டா எண்ட்ரி

srikan2 @elavasam @nchokkan அசின் என்றால் பண்டைய கிரேக்க மொழியில் “குதிரை மூஞ்சி” என்று பொருள்.

srikan2 யானின்னா பசுமூஞ்சி, தேவயானின்னா பஞ்சரான பசுமூஞ்சி (My cruelty is ?boundless

ksawme அடடா..போட்டி முடிஞ்சுபோச்சே..பெட்டர் லக் நெக்ஸ்ட் டைம்

srikan2 அடடா…பரிசு போச்சே…அமைச்சரே..ஆறுதல் பரிசு உண்டா

ksawme சாரி காமென் மேன்..நான் ஆறுதலா பேசறதே பெரிசு..சென்று வாருங்கள்

elavasam அமைச்சரே..பரிசு எங்கே??

ksawme என்னது பரிசா..FREEயா விடு.. FREEயா விடு.. FREEயா விடு மாமே….

elavasam

ksawme சே..மனுஷன் நவரசத்தில பின்றாரே..அவர் ஆகறதுகுள்ள நாம எஸ்ஸாயிடுவோம்..ஹலோ..நான் இப்போ போறேன்..நெக்ஸ்ட் மீட் பண்றேன்..வரட்டா

டிஸ்கி(ஹே..நானும் இத யூஸ் பண்ணியாச்சு..என்ன ஒரு அல்ப சந்தோஷம்)

இது ஒரு ஜாலிக்காக, மக்கள் நலனுக்காக எழுதப்பட்ட இடுகை

சம்பந்தபட்டவர்கள் என் வீட்டிற்கு ஆட்டோ அனுப்பாமல் பேசி / ட்விட்டி / கமெண்டி தீர்த்து கொள்ளும்படி உதறலுடன்..சே..அன்புடன் கேட்டுகொள்கிறேன்

(என்னங்க…எங்கேயோ கேட்ட மாதிரி இருக்கா? வேறொன்னுமில்ல..நமக்கு சரண்டர் டையலாக் அன்னைக்கும் இன்னைக்கும் என்னைக்கும் ஒண்ணுதான் )

காட்சி 1:

கிர்ர்ர்ர்ர்ர்.கிர்ர்ர்ர்ர்..அலாரம் அடித்தவுடன் அடித்து பிடித்து எழுந்தான் திரிஷல..

மணியை பார்தான்.. காலை 8:00 மணி..சே..6 மணிக்கு தானே அலாரம் வைக்கனும்னு நினைச்சேன்..நைட் மப்புல மாத்தி வைச்சிட்டேன் போல..

சரி பரவால்ல.. 12 மணிக்குதானே கீதாவை காஃபி ஷாப்புக்கு வர சொல்லியிருந்தேன்..

என்னடா விஷயம்னு எவ்வளவு தடவ கேட்டாலும் நேர்ல வா சொல்றேன்னு ஏகத்துக்கு பில்டப் வேற கொடுத்திருகோம்ல

இன்னைக்கு கண்டிப்பா சொல்லிரனும்..எவ்ளோ நாளைக்குதான் மனசுக்குள்ளேயே வைத்திருக்கிறது

காட்சி 2:

மணி 9:00.. விபார்த்தி குளித்து ரெடியாகி கொண்டிருந்தாள்..தலை வாரிக்கொண்டிருக்கும்போது மனதிற்குள் இன்று வெங்கடவிடம் சொல்ல போகும் விஷயத்தை அசை போட்டுக் கொண்டிருந்தாள்..

வேறு வழியில்லை..அவன் சொல்லுவான் சொல்லுவான் என்று இவ்வளவு நாள் காத்திருந்தாகிவிட்டது..என் மனதில் இருப்பதை இன்று சொல்லிவிட வேண்டியதுதான்

இன்னைக்கு கண்டிப்பா சொல்லிரனும்..எவ்ளோ நாளைக்குதான் மனசுக்குள்ளேயே வைத்திருக்கிறது

காட்சி 3:

மணி 10:30 பைக்கை எட்டி உதைத்தான் நாகா..பின்னே..இன்று எவ்வளவு முக்கியமான நாள். சைந்தவிய பார்த்து முக்கியமான விஷயத்தை சொல்ல வேண்டிய நாள்..சமயம் பார்த்து கழுத்தறுக்குதே சனியன்..சரி ஆட்டோ பிடித்து போக வேண்டியதுதான்..

கடைசி தடவையா கிக்கரை உதைத்தான்..என்ன அதிசயம்..பைக் ஸ்டார்ட் ஆகிவிட்டது..சற்று முன் உதைத்த பைக்கை இப்பொழுது வாஞ்சையுடன் தடவி கொடுத்துவிட்டு சொன்னான்..இல்லை..இல்லை.. உளறினான்

சாரிடா..டென்ஷன்ல உன்னைய உதைச்சிட்டேன்..உனக்கு தெரியாதா இந்த விஷயத்தால நாலு நாளா தூங்காம குழப்பத்துல நான் பட்ட அவஸ்தை..

இன்னைக்கு கண்டிப்பா சொல்லிரனும்..எவ்ளோ நாளைக்குதான் மனசுக்குள்ளேயே வைத்திருக்கிறது

காட்சி 4:

மணி 11:55 ஸ்கூட்டியை பார்க் செய்து விட்டுவிட்டு அந்த காம்ப்ளக்ஸினுள் நுழைந்தாள் ராகினி..

தன் ஹேண்ட் பேக்கில் உள்ள பேப்பரை அர்த்ததுடன் தடவிப் பார்த்துக் கொண்டாள்..பின்னே..என் மனதில் இருப்பதை மோகனிடம் சொல்லப்போவது இதுதானே

இன்னைக்கு கண்டிப்பா சொல்லிரனும்..எவ்ளோ நாளைக்குதான் மனசுக்குள்ளேயே வைத்திருக்கிறது

காட்சி 5:

காஃபி ஷாப்பில் நுழைந்து தன்னை தேடிய கீதாவின் தலையில் நச்னு குட்டினான் மோகன்..போடா லூசுன்னு சொல்லி தலையை தேய்த்து கொண்டாள் கீதா..வலிக்கவில்லை ஆனாலும் இந்த பில்டப் பிடித்திருந்தது..மோகன் கவலைப்படுவான் என எதிர்பார்த்தாள்..ஆனால் மிஞ்சியது..

சரி சொல்லுடா..ஏன் கூப்பிட்ட..போன்ல எவ்வளவோ கேட்டாலும் சொல்லாம ஒரே பில்டப்பு வேற..உன்னால ஒரு முக்கியமான வேலையை விட்டுட்டு வந்திருக்கேன் தெரியுமா..சொல்லு என்ன விஷயம்.

இல்ல கீதா..நாலு நாளா சொல்லனும்னு இருந்தேன்..எவ்ளோ நாளைக்குதான் மனசுக்குள்ளே வைச்சிருக்கிறது..அதான் இன்னைக்கு சொல்லிரலாம்னு உன்னை வரச்சொன்னேன்..

என்ன நான் சொல்ல வந்த மாதிரியே இவனும் சொல்றான் என கீதா அதிர்ச்சியானாலும் அதை வெளிக்காட்டி கொள்ளாமல் பில்டப்பு போதும் மேட்டருக்கு வா..என்றாள்

இல்ல கீதா..என்னடா இவன் தீடீர்னு இப்படி சொல்றானேன்னு தப்பா நினைச்சுகாதே..நானும் நாலு நாள் யோசிச்சேன்..இதுதான் சரின்னு தோணிச்சு கீதான்னு ஒரு செகண்ட் இடைவெளி விட்ட மோகன் சொன்னான்

ஐ லவ் யூ

ஒரு கணம் அதிர்ச்சியான கீதா, சட்டென்று பரவசமாகி தன் கைப்பையில் இருந்த பேப்பரை எடுத்து இந்தா..இதான் நான் என் மனதில் வைத்திருந்தது என்றுஅவனிடம் நீட்டினாள்..

சட்டென்று நீட்டிய கையை பின்வாங்கி பேப்பரை கிழித்து போட்ட கீதா மோகனிடம்..இல்லைடா..இது இனிமே உபயோகப்படாது..உங்கிட்ட சொல்லிறது பெட்டர்.. என நாலைந்து விநாடி சஸ்பென்ஸை வளர விட்டுவிட்டு மோகனிடம் கீதா சொன்னாள்

ஐ லவ் யூ

என்று கூறி விழுந்து விழுந்து

ஒரு கணம் அதிர்ச்சியான மோகன்..சட்டென்று ரிலாக்ஸாகி அடிப்பாவி..நான் நீ என்ன சொல்லுவியோன்னு பயந்துட்டே இருந்தேன்..கடைசில நீயும் அந்த டைட்டிலைதான் ஃபிலிம் இன்ஸ்டியுட் குறும்பட போட்டிக்காக நாம எடுக்க போற படத்துக்கு நினைச்சியா..

நேனு ஏமி செய்யாலி பாபா, நீதானே நச்னு ஒரு டைட்டில் கேட்ட..நம்ம குறும்படம் லவ்வை base பண்ணதுதானே..இந்த டைட்டில் தான் நச்னு judge மனசிலேயும் ரீச் ஆகும்னு தோணிச்சு..என்ன சொல்ற திரிஷல வெங்கட நாக மோகன் பாபு..நான் சொன்னது சரிதானே என

ஏய்..என் முழு பெயரை சொல்லி கூப்படாதேன்னு எத்தனை தடவ சொல்லிருக்கேன்..அப்புறம் நான் உன் ஃபுல் பெயரான விபார்த்தி சைந்தவிய ராகினி கீதான்னு கூப்பிட வேண்டி வரும்..ஆமா..

சரி..சரி விடு..நாம இப்படி மாத்தி மாத்தி பேர கூப்டுட்டு இருந்தா போட்டியே முடிஞ்சிரும்..சரி கதையை டிஸ்கஸ் பண்ணலாமா..டேய் அதுக்கு முன்னாடி ஏதாவது ஆர்டர் பண்ணு..வந்து அரை மணி நேரம் ஆச்சு..சாப்பிட்டுக்கிட்டே பேசலாம்..

ஒகே..பேரர்..2 சிக்கன் சாண்ட்விச் & காப்பிச்சீனோ என ஆர்டர் கொடுத்த மோகன்..

ஆமா கீதா..நேத்து ஒரு புரொடியுஸர் கிட்ட கதை சொல்ல போயிருந்தியே..நீவு ஈ கதா செப்பாவு?

சத்தியமா இந்த கதையில்லப்பா..போதுமா..நம்ம கதையை டெவலப் பண்ற கதையை பார்ப்போமா..

One second..one second..Do you love me?! எனறு கேட்ட மோகனிடம்

அதானே பார்த்தேன்..இன்னும் கேட்கலியேன்னு..நம்ம இரண்டு வருஷ லவ் லைஃப்ல நீ இத கேட்காத நாளே கிடையாதே…ஒகே நானும் என் attendanceஐ போட்டுறேன்..

யெஸ்..ஐ லவ் யு..மை டியர் லவ்வபிள் இடியட்…

போதுமா…இப்பவாவது வேலையை பார்போமா என்று கீதா மோகனிடம் கதையை விவாதிக்க ஆரம்பித்தாள்….

ஏங்க..இனிமே அவங்க கதையை டிஸ்கஸ் பண்ண போறாங்க..நாம் கிளம்பலாம்..

******************************************************************

பாஸ்..இருங்க..போறதுக்கு முன்னாடி இந்த கதை எப்படி இருந்ததுன்னு சொல்லிட்டு போங்க

தொடர்ந்து பேசுவோம்

சுவாசிகா

சர்வேசன்500 – நச்னு ஒரு கதை 2009 – போட்டிக்காக எழுதிய கதை

நன்றி

• சிறுகதை எழுத ஏகப்பட்ட டிப்ஸ்ஸை வாரி வழங்கிய அண்ணன் யு.எஸ்.தமிழன் @dynobuoy அவர்களுக்கும்,
• @orupakkam ஸ்ரீதர் அவர்களுக்கும்,
• சும்மா வெட்டி வெட்டி எடிட் பண்ணுங்க..அவ்வளவுதான் உங்க கதை ரெடி?! என்று டவிட்டிய நண்பர் writer @nchokkan அவர்களுக்கும்

நன்றி..நன்றி..நன்றி!!

கொத்தனார் வீட்டில் நவராத்திரி கொலு பார்ட்டி

சந்திரன் சரவண பவன் சாம்பார் வடையை சப்பு கொட்டி சாப்பிட்டுவிட்டு அடுத்த வடை வரும் வரும் என ஏங்கிகொண்டிருக்கும் போது..

வந்தார் Mrs. கொத்தனார்

அடுத்த வடையோ என சந்திரன் தட்டை நீட்ட…

‘கொண்டாங்கோ! நான் போட்டுடறேன்’

என பேப்பர் தட்டை வாங்கி அதை குப்பை கூடையில் போட்டுவிட சந்திரன் மனதிற்குள்

‘அடடா! வட போச்சே!’

தொடர்ந்து பேசுவோம்,

சுவாசிகா

பி.கு : இந்த (உண்மை) கதை அண்ணன் டகிள்பாட்சா ட்விட்டி நான் இங்கே எழுதியது..

கதாபாத்திரங்களின் பெயர்கள் மட்டும் லைட்டா மாற்றப்பட்டிருக்கிறது. .

சம்பந்தபட்டவர்கள் என் (புது)வீட்டிற்கு ஆட்டோ அனுப்பாமல் பேசி / ட்விட்டி / கமெண்டி தீர்த்து கொள்ளும்படி உதறலுடன்..சே..அன்புடன் கேட்டுகொள்கிறேன்

என் நண்பர் பே.சு.சங்கர்க்குமாரை ஒரு கவிதையுடன் அறிமுகப்படுத்துவதுதான் பொருத்தமானது என்று கருதியதால் என் மகள் கமலியின் முதல் பிறந்தநாளுக்கு அவர் எழுதிய வாழ்த்து கவிதையுடன் இங்கே அவரை அறிமுகபடுத்துகிறேன்

ஹைக்கூ கவிதை எழுதும் என் பேனா – இன்று

ஹைக்கூ குழந்தைக்கு கவிதை எழுதுகிறது

தேசப்பற்றை பல பேர் பேச்சில் காண்பிக்கும்போது – நீயோ

அதை பிறப்பில் காண்பித்துவிட்டாய்

கலப்படம் இல்லா உன் புன்னகையுடன் – உன்னை

கணினியில் காணும் போது – நாங்கள் கொண்ட

கவலைகள் உடைந்து போகும்

தவழும் தமிழே – நீ பேசும்

மழலைத் தமிழை மற்றவர்களுக்கும் கற்று கொடுக்க வேண்டும்

ஏனேன்றால் இப்பொழுதெல்லாம் ஒழுங்காக தமிழ் பேசுவது

உன் போன்ற குழந்தைகள் மட்டும்தான்

பளிங்கு தரையில் பனி மேகமே – நீ

தவழ்கையில் உன்னோடு சேர்ந்தே தவழட்டும் – உன்

சாதனைகளும், சந்தோஷங்களும்

தண்ணீர் ஒட்டா கமலம் போல

கமலமே உன் கண்களும்

கண்ணீர் ஒட்டாமல் இருக்கட்டும்

எனக்கு தெரிந்த தமிழை – என்

பேனா மையில் ஏற்றி

உனக்காக நான் எழுதிய இந்த கவிதை

உனக்கு புரியும் வரை இதுவும்கூட ஒரு மழலைதான்

நண்பர் கவிதைகளுடன் கூடிய விரைவில் உங்களை சந்திப்பார்

தொடர்ந்து பேசுவோம்

சுவாசிகா

விமர்சனம் எழுதும் அளவிற்கு நான் விஷயம் தெரிந்தவன் அல்ல. நான் ஒரு சராசரி வாசகன்.

என்னை பொறுத்தவரை ஒரு புத்தகம் என்னை திரும்ப திரும்ப படிக்க வைத்துவிட்டால் அவை சிறந்த புத்தகமே

பொதுவாக வெற்றி கதைகளை படிப்பது எனக்கு விருப்பமான ஒன்று. தடைகளையும், இடர்களையும், பிறரின் அலட்சியத்தையும் கடந்து அவர்கள் கடந்து வந்த வெற்றி பாதையை படிப்பது ஒரு சிறந்த உற்சாக டானிக்

எதேச்சையாக சொக்கனின் படைப்புகளை பார்த்து கொண்டிருக்கும் போது இவர் கணிசமாக வாழ்கை வரலாறுகளை எழுதியது இவரின் படைப்புகளை படிக்க தூண்டியது

இவரை பற்றி நான் கேள்விபட்டிருந்தாலும்(என் மனைவி சித்ரா மூலமாக), இவர் எழுத்துக்களை படிப்பது இப்பொழுதுதான்..

இவரின் ஏ.ஆர். ரஹ்மான் புத்தகத்தை பற்றிய என் கருத்து/பார்வையே இந்த இடுகை..

இதற்கு முன்னால் நான் எதற்கும் விமர்சனம் எழுதியேதே இல்லை…அதனால் எப்படி எழுத வேண்டும் என்று தெரியவில்லை

ஆனால் அதற்காக இந்த புத்தகத்தை பற்றிய என் பதிவை மிஸ் செய்யவும் மனமில்லை

Straight off, இந்த புத்தகத்தை கண்ணை மூடி கொண்டு வாங்கலாம்..Of course…காசு கொடுத்துதான்

நச்சேன்று மனதில் நின்றவை

• இந்த புத்தகத்தில் எனக்கு பிடித்தது இவரின் எளிமையான நடை..அப்படியே கடகடவென்று வாசித்து விடலாம். குழந்தைகளும் படித்து புரிந்து கொள்ளும் அளவிற்கு எளிமை. அட நிசமாதாங்க..நம்புங்க
• எளிமையாக இருந்தாலும் நல்ல விவரமாக ரஹ்மான் பற்றி விவரங்களை சுவாரசியமாக தொகுத்துள்ளார்.

முதல் நாள் இரவு இந்த புத்தகத்தை பாதி படித்துவிட்டு அடுத்த நாள் மாலை தேநீர் இடைவெளியில் என் அலுவலக நண்பர்களிடம் தங்கு தடையில்லாமல் 20 நிமிடம் ஏ.ஆர். ரஹ்மானை பற்றி நான் பேசியதே மேல் குறிப்பிட்டிருந்த எளிமையான அதே சமயம் விவரமான நடைக்கும் சான்று

• ஏ.ஆர். ரஹ்மானின் பிறப்பு முதல் ஆஸ்கர் வென்றது வரை அவரின் வாழ்க்கை பயணத்தை சுவாரசியமாக பதிந்திருக்கிறார். உதாரணம்,

1. இசை உலகில் நுழைந்தது எப்படி
2. இளையராஜாவிடம் வேலை செய்யும் வாய்ப்பு கிடைத்தது எப்படி
3. ட்ரம்ஸ் சிவமணியுடன் இவரின் நட்பு ஏற்ப்பட்டது எப்படி
4. விளம்பர உலகில் கால் பதித்தது எப்படி, முதல் விளம்பரம் எது
5. ரோஜா வாய்ப்பு கிடைத்தது எப்படி
6. இந்தி பட உலகில் நுழைந்தது எப்படி
7. உலக அரங்கில் கால் பதித்தது எப்படி
8. ஆஸ்கர் வென்ற ஸ்லம்டாக் மில்லியினர் வாய்ப்பு கிட்டியது எப்படி

போன்று ஏகப்பட்ட விஷயங்களை உள்ளடக்கியுள்ளார்

• வெற்றி கதைகள் மற்றும் வரலாற்றுக் கதைகள் எழுதுவதற்கு ISAS(Information Search and Analysis Skills) மிகவும் அவசியம் என்று என்னுடைய கருத்து. அதாவது

1. ஒரு தலைப்பை பற்றிய விவரங்களை பல விதமான sourceகளில் இருந்து திட்டமிட்டு தேடுதல்.
2. தேடிய தகவல்களை ஆராய்தல்
3. ஆராய்ந்த தகவல்களை வகைபடுத்துதல்
4. முக்கியமான/அவசியமான தகவல்களை முன்படுத்தி மற்றவைகளை விலக்குதல் அல்லது அவைகளை வேறு பொதுவான இடத்தில் தொகுத்தல்

இது சொக்கனிடம் நிரம்பவே இருக்கிறது. பின் இணைப்பில்(appendix) source list’ஐ பார்க்கும்போது மலைப்பாக இருந்தது. இந்த 176  பக்க புத்தகதிற்காக இவரின் தகவல் சேகரித்த உழைப்பு பாராட்டபட வேண்டிய ஒன்று

• பொதுவாக ஒருவரின் வெற்றி கதையை எழுதும் போது presenting of excess statistics’ஐ தவிர்க்க வேண்டும்.  உதாரணம் ஏ.ஆர்.ரஹ்மான் 1996 ல் இசையமைத்த படங்களின் விவரம், அவர் இதுவரை வாங்கிய விருதுகள் etc.,etc., இது போன்று statistics அவசியமானதாக இருந்தாலும் இவையெல்லாம் படிக்கும் flowவிற்கு தடைக்கல்லாகும் வாய்ப்புகள் அதிகம். சொக்கன் இதை பின் இணைப்பில் போட்டு content flow affect ஆகாமல் கையாண்டுள்ளார்
• இவர் அடிப்படையில் இளையராஜாவின் ரசிகராக இருந்தாலும், அதை அப்படியே தள்ளி வைத்து நடுநிலையாக ரஹ்மான் பற்றிய விவரங்களை தொடுத்தது மிகவும் பாராட்டபட வேண்டிய ஒன்று. ராஜாவையும் ரஹ்மானையும் compare பண்ணும் context பகுதியில் இவர் நடுநிலையாக தன் கருத்தை கூறாமல் தள்ளி நின்றதுக்கு ஒரு சபாஷ்!!

ராஜாவையும் ரஹ்மானையும் comparison பற்றிய என் கருத்தை நான் தனி இடுகையாக எழுத வேண்டும்..பார்ப்போம்..

அட..இதையெல்லாம் கவனித்திருந்தால் இன்னும் நன்றாக இருந்திருக்கும்

Reviewனா நெகட்டிவ் பாயிண்டுகளையும் எழுதுணுமாமே

மண்டையை குடைந்து யோசித்தாலும்,  மல்லாக படுத்து யோசித்தாலும் என் சிற்றறிவுக்கு எட்டியது இவ்வளவுதான்

• அந்த அந்த chapterக்கு relavantஆக ரஹ்மானின் புகைபடத்தை பற்றி போட்டிருந்தால் நன்றாக இருந்திருக்கும். என்ன செய்வது, குமுதமும், ஆனந்த விகடனும் என்னை அப்படி பழக்கி விட்டது
• சில இடங்களில் வார்த்தை தவறுகள். ஒரு நோட்டில் குறித்து வைத்திருந்தேன். என் மகள் கமலி மாடர்ன் அர்ட் கலரிங்கில் அந்த தவறுகள் மறைந்து விட்டது சரி விடுங்கள்…நல்லதை உங்களிடமும், தவறுகளை நண்பர் சொக்கனிடம் பின்னர் சொல்லிவிட்டால் போச்சு

புத்தக விவரம்:

• புத்தக தலைப்பு – ஏ.ஆர். ரஹ்மான்
• பதிப்பகம் – கிழக்கு பதிப்பகம்
• பக்கங்கள் – 176
• விலை – ரூ.80/-
• இணையத்தில் வாங்க இங்கே கிளிக்கவும்
• ஆஹா FM வானொலி(91.9)யின் ‘கிழக்கு பாட்காஸ்ட்’ நிகழ்ச்சியில் ஏ. ஆர். ரஹ்மான் புத்தகம் பற்றிய அறிமுகம் / கலந்துரையாடல் நிகழ்ச்சி கேட்க இங்கே கிளிக்கவும்

எங்கள் வீட்டின் புத்தக அலமாரியில் தமிழில் ஒரே எழுத்தாளரின் collection வைத்திருக்கிறேன் என்று பார்த்தால் அது சுஜாதா மட்டுமே. இப்பொழுது என்.சொக்கனும் அதில் சேர்ந்து விட்டார்.

கடைசியாக நான் கூற வருவது, கண்ணை மூடிக்கொண்டு இந்த புத்தக்தை வாங்குங்கள்

தொடர்ந்து பேசுவோம்

சுவாசிகா